អាយធី 4You

២.២. សិក្សាអំពីផ្នែកទន់របស់កុំព្យូទ័រ (Software)

Software គឺជាផ្នែកទន់ដែលអាចមើលឃើញ តែមិនអាចប៉ះបាន ឬ គេអាចហៅម្យ៉ាងទៀត ថាជា កម្មវិធីសម្រាប់ដំណើរការលើម៉ាស៊ីនកុំព្យូទ័រ (Program) ។

Software ចែកចេញជាពីរប្រភេទគឺ៖ System Software/ Operating System(OS) និង Application Software ។

២.២.១. System Software/ Operating System(OS)

Operating System ឫហៅជាភាសាខ្មែរថាប្រព័ន្ធប្រតិបត្តិការ គឺជាកម្មវិធី (Software) សំខាន់បំផុតដែលដំណើរការលើកុំព្យូទ័រ។ វាក្ដោបក្ដាប់និងគ្រប់គ្រងនូវអង្គចងចាំនិងអង្គគណនារបស់កុំព្យូទ័រ បន្ថែមទាំងកម្មវិធីផ្សេងៗនិងផ្នែកគ្រឿង (Hardware) ទាំងមូល។ អនុញ្ញាតឱ្យយើងអាចធ្វើការភ្ជាប់ទំនាក់ទំនងបញ្ជាកុំព្យូទ័រ ដោយមិនប្រើប្រាស់ភាសានិយាយជាមួយវា។ បើគ្មានប្រព័ន្ធប្រតិបត្តិការទេ កុំព្យូទ័រដំណើរការក៏ឥតន័យដែរ។

Operating System(OS) ដំណើរការលើកុំព្យូទ័រត្រូវបានចែកជា ៣ សំខាន់ៗ រួមមាន Microsoft Windows, Mac OS X និង Linux។

-Microsoft Windows: ក្រុមហ៊ុន Microsoft បានបង្កើតប្រព័ន្ធប្រតិបត្តិការ Windows ពាក់កណ្ដាលអំឡុងឆ្នាំ ១៩៨០ មានជំនាន់ Windows ល្បីៗរួមមាន Windows Vista (2007), Windows 7 (2009), Windows 8 (2012) រហូតដាក់បង្ហាញដល់ Windows 10 នៅឆ្នាំ ២០១៥ ហើយជា OS ពេញនិយមបំផុតក្នុងពិភពលោក។

-Mac OS X: បង្កើតឡើងដោយក្រុមហ៊ុនអាមេរិក Apple ដើម្បីតម្រូវការប្រើប្រាស់លើពពួកកុំព្យូទ័រ Macintosh របស់ខ្លួន។ ជំនាន់របស់វារួមមាន Lion (2011), Mountain Lion (2012), Mavericks (2013), Yosemite (2014) និង EI Capitan (2015)។ តែទោះជាយ៉ាងណាក៏ដោយចំនួនអ្នកប្រើប្រាស់ក៏នៅមានតិចតួច។ ទាក់ទងនឹងផ្ទៃកម្មវិធី មនុស្សជាច្រើនទទួលស្គាល់ថា Mac OS X មានលក្ខណៈស្រស់ស្អាត ត្រជាក់ភ្នែក ជាង Windows។

-Linux: Linux : ជាប្រព័ន្ធប្រតិបត្តិការខុសពី Windows ដោយវាជា OS អាចធ្វើការកែច្នៃបានពីសំណាក់អ្នកប្រើជុំវិញពិភពលោក ខុសពី Windows ចេញពីក្រុមហ៊ុនមកស្រេច។ ទៀតសោត Linux ដាក់ឱ្យទាញយកឥតគិតថ្លៃ ផងដែរ។

២.២.២. Application Software

គឺជាកម្មវិធីតូចៗរបស់កុំព្យូទ័រដែលអាចដំណើរការបានបន្ទាប់ពីបានបញ្ចូល Operating System រួចហើយ។

Application Software ទាំងនោះមានច្រើនរួមមានដូចជា៖

Microsoft Office
open office
Adobe Photoshop
Utilities
Corel Draw
Auto CAD
Anti-Virus…។

២.១.៣. System Unit

ជាធុង ឬជាប្រអប់មួយ ដែលផ្ទុកនូវសមាសភាគសំខាន់ៗ សម្រាប់អោយប្រព័ន្ធកុំព្យូទ័រ

ដំណើរ ការទៅបាន។

នៅក្នុង System Unit មានឧបករណ៍ដូចជា៖

Motherboard ឬ Mainboard : គឺជាផ្ទាំងសៀគ្វីធំមួយនៅក្នុង Computer ដែលជាធម្មតាវាបង្កើតបានជាកម្រាលនៃ System-Unint ។ គ្រប់សមាភាព Electronic ទាំងអស់របស់កុំព្យូទ័រគឺត្រូវបានដោតទៅនឹង Motherboard តាមរយៈ Connecter ផ្សេងៗ។

CPU (Central Processing Unit) គឺជាឧបករណ៍មួយដែលសំខាងជាងគេក្នុងចំណោមឧបករណ៍ ផ្សេងៗរបស់ កុំព្យូទ័រព្រោះ CPU មាននាទីជាខួរក្បាល របស់កុំព្យូទ័រ រាល់ដំណើរការអ្វីមួយត្រូវឆ្លង កាត់ CPU ជាអ្នកវិភាគ ។ ជាទូទៅ នៅក្នុងកុំព្យូទ័រធម្មតាមាន CPU តែមួយទេ ប៉ុន្តែចំពោះកុំព្យូទ័រ Server អាចមាន CPU ចាប់ពីរឡើង ទៅ ។ CPU មានរាងជា Chips សំបែតមួយស្ថិតនៅលើ Mainboard ក្នុង System Unite ហើយនៅលើ CPU មានឧបករណ៍ពីរគឺ Heatsink និងកង្ហារ (Fan) សម្រាប់រក្សាសីតុណ្ហភាព របស់ CPU ព្រោះនៅពេលកុំព្យូទ័រធ្វើការច្រើនអាចបណ្តាលឲ្យ CPU មានកម្ដៅក្តៅ ។ CPU cache គឺជាទំហំ Memory ដ៏តូចស្ថិតនៅក្នុង CPU ដែលធ្វើការយ៉ាងលឿន ហើយរាល់ដំណើរការរបស់ CPU គឺទាក់ទង់ទៅនឹង CPU cache ។ នៅពេល CPU រវល់នឹងការងារច្រើន CPU cache ជាអ្នកចងចាំនូវការងារទាំងនោះ ហើយបញ្ចូនទៅឲ្យ CPU ដើម្បីធ្វើការតាមលំដាប់ លំដោយ ។ ល្បឿនរបស់ CPU ជាទូទៅគិតជា MHz (megahertz) និង GHz (gigahertz) ។បច្ចុប្បន្ននេះមាន CPU ពីរប្រភេទសម្រាប់ computer គឺ Intel និង AMD ដែលជាក្រុមហ៊ុនដែលផលិត CPU ធំជាងគេ ហើយនៅក្នុងក្រុមហ៊ុននីមួយៗមាន CPU ច្រើនប្រភេទ និងជំនាន់ផ្សេងគ្នា ។
RAM( Ramdom Access Memory ) : គឺជាឧបករណ៍ដែលប្រើ សម្រាប់ ធ្វើការដោតទៅនឹង Motherboard ។ វាមានតួនាទីសម្រាប់ផ្ទុកនូវ ពត៌មានរបស់ ប្រព័ន្ធ ( System ) បណ្ដោះអាសន្ននៅពេលដែលម៉ាស៊ីនកំពុងដំណើរការ ហើយវានឹង បាត់បង់ទៅវិញនៅពេលផ្ដាច់ចរន្ត សព្វថ្ងៃនេះ RAM ត្រូវបានគេចែកចេញជាពីរប្រភេទធំៗ គឺ ៖

-SRAM( Synchronous Dynamic Random Access Memory )ឬគេហៅថា

Static RAM

-DRAM( Double Data Random Access Memory )ឬគេហៅថា Dynamic RAM។ RAM មានខ្នាតគិតជាម៉េហ្គាបៃត៍ (Megabytes) , ជីហ្គាបៃត៍ (gigabyte) ។

Hard Disk Drive : គឺជាឧបករណ៍សម្រាប់ធ្វើការរក្សាទុកទិន្នន័យរាល់ព័ត៌មានទាំងអស់ដែលអ្នកប្រើប្រាស់បានធ្វើការបញ្ចូល និងធ្វើការរក្សាទុកក្នុង Hard - Disk Computer ។តួនាទីរបស់ HDD មានពីរគឺ Master និង Slave ។ Master HDD គឺជា HDD សម្រាប់រក្សាទុកនូវប្រព័ន្ធដំណើរការ និង boot loader ។ ចំណែកឯ Slave HDD ជា HDD សម្រាប់រក្សាទុកនូវឯកសារផ្សេងៗ ។
Optical Drive : គឺជាផ្នែករឹងសំខាន់ចុងក្រោយដែលប្រើប្រាស់សម្រាប់ថតចម្លងឯកសារ ចូលទៅក្នុងស៊ីឌី ឬវីស៊ីឌី ។ វាក៏ត្រូវគេប្រើសម្រាប់អាន ឬកែប្រែទិន្នន័យនៅក្នុងឌីសផងដែរ ។

Power Supply ជាឧបករណ៍ម្យ៉ាងដែលមានតួនាទីក្នុងការផ្គត់ផ្គង់ ចរន្តអគ្គីសនីទៅអោយ Motherboard និងសមាសធាតុផ្សេងៗទៀតរបស់ Computer ហើយវាមានតួនាទីបំលែងថាមពល អគ្គិសនីពីរប្រភេទ AC ទៅ DC ដែលជាប្រភេទចរន្តភ្លើងខ្សោយទៅអោយ Motherboard ។
Floppy Disk Drive : ជាឧបករណ៍សម្រាប់អាន និងរក្សាទុកទិន្នន័យនៅក្នុង Diskette។
Hest Sink : ជាឧបករណ៍សម្រាប់រក្សាសីតុណ្ហភាពរបស់ CPU។

System Fan : ជាឧបករណ៍សម្រាប់រក្សាសីតុណ្ហភាព System Unit ។

EXPANSION CARD : គឺជាផ្ទាំងសៀគ្វីមួយដែលអាចពង្រីក រឺ បង្កើត សមតិភាពធម្មតារបស់ COMPUTER តាមមធ្យោបាយណាមួយមានដូចជាៈ -VIDEO ADAPTER -SOUND CARD -NETWORK CARD ។

២.១.២. Output Device

ជាឧបករណ៍សម្រាប់បញ្ចេញព័ត៌មាន ដែលមានសមត្ថភាពបកប្រែព័ត៌មានដែលដំណើរការដោយកុំព្យូទ័រ ទៅជាទម្រង់មួយដែលអ្នកប្រើប្រាស់អាចយល់បាន។

ឧបករណ៍បញ្ចេញ មានដូចជា៖

ម៉ូនីទ័រ (Monitor) : ជាប្រភេទឧបករណ៍សម្រាប់បង្ហាញទិន្នន័យចេញមកក្រៅ បន្ទាប់ពីទិន្នន័យត្រូវបានដំណើរការហើយ

ព្រីនធ័រ (Printer) : គឺជាឧបករណ៍សម្រាប់បង្ហាញទិន្នន័យចេញមកក្រៅដែរ
ស្ពីកឃ័រ (Speaker) : ជាឧបករណ៍សម្រាប់បញ្ចេញសំឡេង ។

Headset : ជាឧបករណ៍ប្រើសម្រាប់ស្តាប់ចំរៀង។

LCD Projector (ប្រូជិចទ័រ) : ជាប្រភេទឧបករណ៍សម្រាប់បញ្ចេញទិន្នន័យ ។

២.១.១. Input device

គឺជាឧបករណ៍សម្រាប់បញ្ចូលព័ត៌មាន។ ព័ត៌មានទាំងនោះអាចជា អក្សរ លេខ សំឡេង
រូបភាព វីដេអូ ជាដើម។

ឧបករណ៍បញ្ចូល មានដូចជា ៖

កណ្ដុរ (Mouse) :ជាឧបករណ៍កាន់ដោយដៃសម្រាប់បញ្ចូលទិន្នន័យដែល អនុញ្ញាតឲ្យ អ្នកប្រើប្រាស់ជ្រើសរើសកម្មវិធីបង្ហាញនៅលើអេក្រង់កុំព្យូទ័រ ។វាត្រូវបានភ្ជាប់ទៅនឹងធុងប្រព័ន្ធតាមរយៈច្រក PS/2 ឬច្រកយូអេសប៊ី ( USB) និង Mouse ឥតខ្សែរជា Mouse wireless ។
ក្ដារចុច (Keyboard) : ជាឧបករណ៍សម្រាប់បញ្ចូលទិន្នន័យអនុញ្ញាតឲ្យ អ្នកប្រើប្រាស់វាយបញ្ចូលទិន្នន័យឬពាក្យបញ្ជាផ្សេងៗ។

Keyboard ចែកចេញជាពីប្រភេទគឺ

-Standard Keyboard វាមាន ៨៤ keys ឬ ៨៤ buttons

-Enhanched Keyboard វាមាន ១០១ ដល់ ១០៧ keys ។

Keyboard ចែកចេញជា ៥ ផ្នែកគឺ៖

a-Letters/Symbols/Numbers

b-vigation keys

c-Number keys (or number pad)

d-Function keys

e-Special keys

ប៊ិចពន្លឺ (Light Pen) : ប៊ិចពន្លឺគឺជាឧបករណ៍សម្រាប់បញ្ចូលទិន្នន័យ ដោយចង្អុលពន្លឺដែលងាយស្រួលប្រើជ្រើស ឬកែអត្ថបទ ឬទិន្នន័យនៅលើអេក្រង់។
ថាច់ស្គ្រីន (Touch Screen) : ថាច់ស្គ្រីនគឺជាអេក្រង់បង្ហាញកុំព្យូទ័រ ដែលជាឧបករណ៍បញ្ចូលព័ត៌មានរបស់កុំព្យូទ័រតាមរយៈការប៉ះ ឬបញ្ជានៅលើអេក្រង់។

ចយស្តីក (Joystick) : ជាឧបករណ៍ដែលគ្នាប្រើច្រើននៅក្នុងហ្គេមកុំព្យូទ័រ ដើម្បីបញ្ជាតួអង្គនិងវត្ថុដែលមាននៅក្នុងហ្គេមនោះ
ម៉ាយក្រូហ្វូន(Microphone) : ជាឧបករណ៍បញ្ចូលព័ត៌មានជាសម្លេង។

Scaner(ស្គេនន័រ) : ជាឧបករណ៍អេឡិចត្រូនិចដែលអនុញ្ញាតអ្នកប្រើប្រាស់ ស្គេនអត្ថបទដែលព្រីនចេញមកលើក្រដាស ឬ អក្សរ ដែលសរសេរដោយដៃ លើ ក្រដាស រួចបំលែងទៅជារូបភាពអេឡិចត្រូនិច ។

ត្រេកប៊ល : ជាឧបករណ៍បញ្ចូលស្រដៀងនឹងកណ្ដុរ វាមានសមត្ថភាពខ្ពស់។

វេបខេម(Webcam) : ជាឧបករណ៍សម្រាប់ថតរូបដូចទៅនឹងកាម៉េរ៉ាយើង ធម្មតាដែរគ្រាន់តែគេច្រើនប្រើវាជាមួយកុំព្យូទ័រ ដើម្បីនិយាយ មើលរូបគ្នាឃើញ
ឌីជីថលកាមេរ៉ា (Digital Camara)

២.១. សិក្សាអំពីផ្នែករឹងរបស់កុំព្យូទ័រ(Hardware)

ជាឧបករណ៍រូបសាស្ត្រដែលផ្សំគ្នាបង្កើតបាជាកុំព្យូទ័រមួយគ្រឿង។ ឧបករណ៍នេះយើងអាចប៉ះបាន
និងអាចមើលឃើញដោយភ្នែកយើងបាន។ Hardware ត្រូវបានគេចែកចេញជាបីផ្នែកធំៗគឺ

Input device
Output device
System Unit

២.សមាសភាពផ្សំរបស់កុំព្យូទ័រ

ជាទូទៅកុំព្យូទ័រផ្សំឡើងដោយសមាសភាពសំខាន់ៗពីរយ៉ាងគឺ ផ្នែករឹង( Hardware) និងផ្នែកទន់ (Software)។

១.៥. ដំណើរការរបស់កុំព្យូទ័រ

មុនដំបូងកុំព្យូទ័រទទួលយកព័ត៌មាន បន្ទាប់មកដំណើរការព័ត៌មាន រួចហើយបញ្ជូនលទ្ធផលទាំង នោះតាមរយៈអ្នកប្រើប្រាស់វាយពាក្យបញ្ជានៅលើ Keyboard, Touch screen ឬឧបករណ៍ដ៏ទៃទៀត។ ពាក្យបញ្ជាទាំងនោះត្រូវបានបកប្រែដោយប្រព័ន្ធប្រតិបត្តិការណ៍របស់កុំព្យូទ័រដែលជាកម្មវិធីពិសេសមួយសម្រាប់សម្របសម្រួលគ្រប់ការងាររបស់កុំព្យូទ័រ។ បន្ទាប់មកទៀត ពាក្យបញ្ជាទាំងនោះត្រូវបានផ្ទុកជាបណ្ដោះអាសន្ននៅក្នុងបន្ទះ RAM របស់កុំព្យូទ័រដែលអាចយកមកប្រើបានយ៉ាងឆាប់រហ័ស ហើយវាបានផ្លាស់ទីទៅកាន់ CPU ដែលជាសំណុំខួរក្បាលរបស់កុំព្យូទ័រ ដែលអាចវិភាគ គណនា និង ធ្វើការតាមសំណើររបស់អ្នកប្រើប្រាស់បានយ៉ាងល្អ។ ចុងក្រោយលទ្ធផលព័ត៌មាន ឬទិន្នន័យទាំងនោះត្រូវបានបង្ហាញលើ Monitor ជាបន្តបន្ទាប់ ឬក៏អាចបោះពុម្ភ ចេញមកក្រៅតាមរយៈ Printer ជាដើម។

២.២. សិក្សាអំពីផ្នែកទន់របស់កុំព្យូទ័រ (Software)

២.១.៣. System Unit

២.១.២. Output Device

២.១.១. Input device

២.១. សិក្សាអំពីផ្នែករឹងរបស់កុំព្យូទ័រ(Hardware)

២.សមាសភាពផ្សំរបស់កុំព្យូទ័រ

១.៥. ដំណើរការរបស់កុំព្យូទ័រ

Popular Posts

Technology

Menu Footer Widget

២.២. សិក្សា​អំពី​ផ្នែក​ទន់​របស់​កុំព្យូទ័រ​ (Software)

២.១.៣. System Unit

២.១.២. Output Device

២.១.១. Input device

២.១. សិក្សា​អំពី​ផ្នែក​រឹង​របស់​កុំព្យូទ័រ(Hardware)

២.សមាសភាព​ផ្សំ​របស់​កុំព្យូទ័រ

១.៥. ដំណើរការ​របស់​កុំព្យូទ័រ

២.២. សិក្សាអំពីផ្នែកទន់របស់កុំព្យូទ័រ (Software)

២.១. សិក្សាអំពីផ្នែករឹងរបស់កុំព្យូទ័រ(Hardware)

២.សមាសភាពផ្សំរបស់កុំព្យូទ័រ

១.៥. ដំណើរការរបស់កុំព្យូទ័រ